))
Sori bilong Krais
Manage episode 358882346 series 3311992
Kandungan disediakan oleh Ryan. Semua kandungan podcast termasuk episod, grafik dan perihalan podcast dimuat naik dan disediakan terus oleh Ryan atau rakan kongsi platform podcast mereka. Jika anda percaya seseorang menggunakan karya berhak cipta anda tanpa kebenaran anda, anda boleh mengikuti proses yang digariskan di sini https://ms.player.fm/legal.
Matyu 23:37-39
Jerusalem, Jerusalem...Planti taim moa mi laik bungim ol pikinini bilong yu, olsem kakaruk meri i save bungim ol pikinini bilong en aninit long wing bilong en. Tasol yupela i no laik. – Matyu 23:37
Sori bilong God long ol pikinini i bin ranawe long en em i bikpela tru, olsem na em i kam long painim ol na long kisim ol i kam bek long em. God i kam long yumi long Jisas Krais. Jisas em i no olsem wanpela man i bin kam bilong makim rot bilong yumi long kamap long God tasol. Nogat, Jisas i kam long God na em yet i dispela rot. Long Jisas Krais, God i kam long painim na kisim bek wanem samting em i lus. Na pastaim God i wok long painim pikinini bilong em, Israel, bikos em i bin mekim bikpela wok long lukautim na laikim tru Israel. God i singautim Israel, na em i wok strong tru long painim em na kisim em i kam bek. Olsem na Jisas i autim dispela tok, “Jerusalem, Jerusalem...Planti taim moa mi laik bungim ol pikinini bilong yu, olsem kakaruk meri i save bungim ol pikinini bilong en aninit long wing bilong en. Tasol yupela i no laik.” Tasol ol manmeri i paul long tok bilong Krais. Ol i no klia long tok bilong em. Maski olgeta manmeri i paul, long tude tu, sori bilong God i klia tru long Tok bilong em. Long tok bilong Jisas na long pasin na wok bilong en, sori bilong God i kamap klia tru. Em i krai long yumi, tasol planti i no bekim. Dispela em i sori bilong laikim tru. Ol lain i no gat laikim tru long bel bilong ol, i no gat sori tu. Ol papamama i klia long dispela kain sori. Ol pikinini i no inap kamap klia long dispela sori bilong papamama inap long taim ol yet i gat pikinini bilong ol yet. Sori tru i kamap long laikim tru – dispela em i pasin bilong ol Kristen. Dispela kain sori i wanbel wantaim laikim tru na sori bilong God na Jisas Krais. Ol Kristen papamama i gat wanpela hevi i winim olgeta arapela hevi: taim pikinini bilong ol i lusim God! Maski pikinini bilong ol i kisim bikpela namba na i kamap bikman stret – papamama bai i gat bikpela pen tru sapos dispela pikinini i lusim God. Na tu, ol Kristen papamama i gat wanpela amamas i winim stret olgeta arapela amamas: taim pikinini bilong ol i wokabaut wantaim Bikpela! I no gat wanpela samting i orait sapos yumi i no wanbel wantaim God. Na olgeta samting bai kamap orait sapos yumi holim strong God.
SAMPELA TINGTING
Yu bin tingting long dispela sori bilong God na Krais bipo? Sampela taim, long laip bilong yu, yu gat dispela kain sori?
798 episod
Kongsi
