[12]. Osetin (ирон æвзаг) İnsanlar - "İsa'yı Şahsen Tanımaya Davet".mp4

====== "Hayatın Sözleri", "İyi Haberler", "Müjde Şarkıları" - Türkiye'de Konuşulan Bazı Diller / "Words of Life", "Good News", "Gospel Songs" - Some Languages Spoken in Turkey======

[12]. Osetin (ирон æвзаг) People - "Invitation to Know Jesus Personally".mp4 // 1 КОРИНФӔГТӔМ 15 - Чырыстийы райгас1Ноджы ма уын иу хатт уӕ зӕрдыл лӕууын кӕнын, ӕфсымӕртӕ, ӕз уӕм цы Фарны Уац ӕрхастон, уый; сымах ӕй райстат уӕ зӕрдӕмӕ, сси уӕ царды бындур. 2Уыцы Уацы фӕрцы фервӕздзыстут, кӕд ӕмӕ, цы уын фехъусын кодтон, ууыл фидар хӕцат, уӕд; кӕд нӕ — уӕд дзӕгъӕлы баууӕндыдыстут. 3Уымӕн ӕмӕ уӕм ӕз ӕрхастон, мӕхӕдӕг цы райстон, уыцы тӕккӕ сӕйрагдӕр: Сыгъдӕг Фысты куыд загъдӕуы, афтӕ Чырысти амарди нӕ тӕригъӕдты тыххӕй; 4бавӕрдтой Йӕ, ӕмӕ ӕртыккаг бон райгас ис, Фысты куыд загъд ис, афтӕ. 5Йӕхи раргом кодта Кифӕмӕ, уый фӕстӕ та дыууадӕс апостолмӕ дӕр. 6Стӕй уыцы иу рӕстӕг Йӕхи равдыста фондзсӕдӕ ӕфсымӕрӕй фылдӕрмӕ. Уыдонӕн сӕ фылдӕр, иуӕй-иутӕй фӕстӕмӕ, абон дӕр ма сӕрӕгас сты. 7Уый фӕстӕ Йӕхи равдыста Йаковмӕ, фӕстӕдӕр — ӕппӕт апостолтӕм. 8Се ’ппӕты фӕстӕ, ӕфтыддагмӕ фӕзынӕгау, фӕзынди мӕнмӕ дӕр. 9Уымӕн ӕмӕ ӕз апостолтӕн сӕ тӕккӕ къаддӕр дӕн ӕмӕ апостолы ном хӕссыны аккаг дӕр нӕ дӕн, Хуыцауы аргъуан кӕй ӕфхӕрдтон, уый тыххӕй. 10Фӕлӕ ӕз, цы дӕн, уый Хуыцауы хорзӕхӕй дӕн. Ӕмӕ Йӕ хорзӕхӕй хайджын дзӕгъӕлы нӕ фӕдӕн: ӕз се ’ппӕтӕй дӕр фылдӕр бакуыстон — ӕниу, ӕз нӕ, фӕлӕ мемӕ чи ис, Хуыцауы уыцы хорзӕх. 11Уӕдӕ мах — ӕз дӕр ӕмӕ иннӕ апостолтӕ дӕр — уыцы Фарны Уац хъусын кӕнӕм, ӕмӕ йыл сымах баууӕндыдыстут.